چین کے ’’مصنوعی سورج‘‘ نے ناممکن کام کر دِکھایا

اس ترقی یافتہ دور میں سائنس داں حیران کن مصنوعی چیزیں تیار کرنے میں سر گرداں ہیں۔ اس ضمن میں چینی سائنس دانوں نے فیوژن انرجی سے متعلق اہم کامیابی حاصل کی۔ یہ پیشرفت آئندہ جنریشن کی توانائی کے ذرائع کے فہم میں حائل رکاوٹوں میں سے ایک کو عبور کرنے میں مدد فراہم کر سکتی ہے۔

چائنیز اکیڈمی آف سائنسز سے تعلق رکھنے والی ٹیم کے مطابق ان کے تجرباتی نیوکلیئر ری ایکٹر، جس کا نام مصنوعی سورج رکھا گیا ہے، اس نے پلازمہ کی وہ کثافت حاصل کرلی ہے جو پہلے ناممکن سمجھی جاتی تھی۔

نیوکلیئر فیوژن کا عمل نقصان دہ فضلا خارج کیے بغیر تقریباً لا محدود توانائی پیدا کرنے کی صلاحیت رکھتا ہے۔ یہ بالکل اسی قدرتی عمل کی نقل کرتا ہے جو سورج میں وقوع پذیر ہوتا ہے۔