ٹرمپ نے ایرانی کشتیوں کو نشانہ بنانے کی اے آئی تصویر پر ’الوداع‘ لکھ دیا

امریکی صدر ڈونلڈ ٹرمپ نے آج ایران اور امریکا جنگ سے متعلق ڈیل کے اعلان کرنے کا کہا تھا، تاہم جنگی مناظر پر مبنی ایک اے آئی تصویر شیئر کرتے ہوئے انہوں نے ’الوداع‘ لکھ دیا۔

امریکی صدر ٹرمپ نے کچھ دیر پہلے سوشل میڈیا پر اے آئی سے بنی جنگ کی تصویر شیئر کی۔

تصویر پر Adios کا لفظ لکھا ہے جبکہ اس میں ایرانی کشتیوں کی تباہی کے مناظر دکھائے گئے ہیں۔ Adios ہسپانوی زبان کا لفظ ہے جس کے معنی ’الوداع‘ یا ’بائے بائے‘ ہیں۔

خیال رہے کہ امریکی صدر ڈونلڈ ٹرمپ نے اعلان کیا تھا کہ وہ آج جنگ بندی سے متعلق اہم اعلان کریں گے۔

چونکہ کل ہونے والی پیشرفت سے یہ لگ رہا تھا کہ صدر ٹرمپ اب ایران اور امریکا کے درمیان مثبت ڈیل کا اعلان کریں گے، لہٰذا اس تصویر سے بظاہر یہ مطلب بھی اخذ کیا جاسکتا ہے کہ جنگ ختم ہوگئی ہے۔