میں نے والد سے سخت بیانات میں نرمی لانے کو کہا: دراب خلیل

معروف پاکستانی ڈرامہ نگار خلیل الرحمٰن قمر کے بیٹے اور اداکار دراب خلیل نے اپنے والد کے تنازعات پر اپنے ردِعمل کا اظہار کر دیا۔

دراب خلیل نے حال ہی میں ایک نجی ٹی وی کے شو میں بطور مہمان شرکت کی جہاں اُنہوں نے اپنے کیریئر کے آغاز اور والد کے تنازعات کے بارے میں بات کی۔

میزبان نے ان سے سوال کیا کہ کیا آپ نے کبھی اپنے والد سے کہا کہ وہ لوگوں کے بارے میں اپنے سخت بیانات میں نرمی لائیں؟

اداکار نے اس سوال کا جواب دیتے ہوئے کہا کہ بالکل، میں نے اُنہیں کہا لیکن زیادہ نہیں، صرف اتنا ہی جتنا میں کہہ سکتا تھا اور اب میں دیکھ رہا ہوں کہ وہ بدل گئے ہیں، ان کے انٹرویوز بھی پہلے کے مقابلے میں کم ہو گئے ہیں۔

یاد رہے کہ اس سے قبل دراب خلیل نے اپنے انٹرویو میں کہا تھا کہ والد کے تنازعات نے میرے کیریئر کو متاثر نہیں کیا۔