سینئر سیاستدان اور چیئرمین پاک چائنا انسٹیٹیوٹ مشاہد حسین سید نے کہا ہے کہ ایران اور امریکا کے معاہدے سے اسرائیل کمزور ہوجائے گا۔
جیو نیوز کے پروگرام کیپٹل ٹاک میں مشاہد حسین سید اور دفاعی تجزیہ کار جنرل (ر) عبدالقیوم نے شرکت کی۔
مشاہد حسین سید نے کہا کہ اگر ایران اور امریکا کے درمیان کوئی معاہدہ ہو جائے تو اس سے اسرائیل کمزور ہوگا، جس کا فائدہ فلسطین اور کشمیر کو ہوگا۔
انہوں نے کہا کہ جب تک مسئلہ کشمیر حل نہیں ہوگا جنوبی ایشیاء میں پائیدار امن قائم نہیں ہوسکتا، اسی طرح مشرق وسطیٰ میں پائیدار امن نہیں ہوسکتا جب تک مسئلہ فلسطین حل نہیں ہوتا۔
دفاعی تجزیہ کار جنرل (ر) عبدالقیوم نے کہا کہ مسئلہ فلسطین اور کشمیر کا چولی دامن کا ساتھ ہے۔
اُن کا کہنا تھا کہ مشرق وسطیٰ میں سب بڑا مسئلہ فلسطینیوں کے حق خودارادیت کا ہے، مسجد اقصیٰ کی آزادی کا ہے۔
Soledad is the Best Newspaper and Magazine WordPress Theme with tons of options and demos ready to import. This theme is perfect for blogs and excellent for online stores, news, magazine or review sites.
