روزانہ کی خوراک میں الٹرا پروسیسڈ غذاؤں کا صرف 10 فیصد اضافہ ڈیمینشیا کا خطرہ بڑھا سکتا ہے۔
روزآنہ کے کھانے پینے میں آلو کے چپس کے ایک چھوٹے پیکٹ کے برابر الٹرا پروسیسڈ فوڈ کے اضافے سے یادداشت اور سوچنے سمجھنے کی صلاحیت میں کمی کی بیماری کا خطرہ کئی گنا بڑھا سکتا ہے۔
یہ بات ایک نئی امریکی تحقیق میں سامنے آئی ہے، جس کے مطابق لوگ چاہے عام طور پر صحت بخش غذا ہی کیوں نہ کھاتے ہوں لیکن اگر اُن کی ڈائٹ میں 10 فیصد بھی کوئی الٹرا پروسیسڈ چیز ہے تو درمیانی اور بڑی عمر کے افراد میں توجہ کی کمی اور ڈیمینشیا کا رسک بڑھ جاتا ہے۔
امریکی ادارۂ صحت کے تازہ اعداد و شمار کے مطابق امریکا میں بالغ افراد کی روزانہ کیلوریز کا تقریباً 53 فیصد حصہ الٹرا پروسیسڈ غذاؤں سے آتا ہے، جبکہ بچوں میں یہ شرح تقریباً 62 فیصد تک پہنچ گئی ہے۔
سائنسدانوں کے مطابق یہ تحقیق دماغ پر الٹرا پروسیسڈ غذاؤں کے ممکنہ نقصانات کے حوالے سے بڑھتے ہوئے شواہد میں ایک اہم اضافہ ہے۔
نوٹ: یہ مضمون قارئین کی معلومات کے لیے شائع کیا گیا ہے، صحت سے متعلق امور میں اپنے معالج کے مشورے پر عمل کریں۔
