پیپر لیک الزامات کی تحقیقات کرتے ہیں، انفرادی رپورٹس پر تبصرہ نہیں کرتے، عظمیٰ یوسف

کیمرج اے ایس لیول میں آج کا پرچہ لیک ہونے کے معاملہ پر کیمبرج کی کنٹری ہیڈ عظمیٰ یوسف نے کراچی میں جیونیوز سے گفتگو کرتے ہوئے کہا کہ ہم پیپر لیک ہونے سے متعلق تمام الزامات کی تحقیقات کرتے ہیں۔ 

انھوں نے کہا کہ ہم پرچوں کے لیک ہونےکی انفرادی رپورٹس پر کوئی تبصرہ نہیں کرتے۔ واقعی کوئی مسئلہ ہو تو ہم مناسب وقت پر اسکولوں کو آگاہ کرتے ہیں۔

انھوں نے کہا کہ لوگوں سے درخواست ہے صرف کیمبرج کے آفیشل بیانات پر اعتماد کریں، غلط معلومات پھیلانے سے گریز کریں، کیونکہ یہ طلبہ کے لیے بہت نقصان دہ ہوتا ہے۔ 

دریں اثنا آئی بی سی سی کے سربراہ غلام علی ملاح نے کہا کہ کیمبرج کا پرچہ آوٹ ہونے سے متعلق تصدیق نہیں کی، صرف کیمبرج انتظامیہ ہی اس کی تصدیق یا تردید کرسکتی ہے۔ 

غلام علی ملاح نے کہا کہ کیمبرج انتظامیہ سے رابطے میں ہیں۔