روسی وزیر خارجہ سرگئی لاروف نے ایران اور امریکا کے مذاکرات میں پاکستان کے کردار کی تعریف کی ہے۔
ترجمان دفتر خارجہ کے مطابق وزیر خارجہ سینیٹر اسحاق ڈار اور روسی ہم منصب سرگئی لاروف میں ٹیلیفونک رابطہ ہوا ہے۔
دوران گفتگو پاکستان اور روس کے درمیان دو طرفہ تعلقات اور عالمی فورمز پر تعاون پر تبادلہ خیال ہوا۔ روسی وزیر خارجہ نے ایران اور امریکا کے درمیان مذاکرات میں پاکستان کے کردار کو سراہا۔
اس موقع پر اسحاق ڈار نے مسائل کے حل کےلیے مکالمے اور سفارتکاری جاری رکھنے کے عزم کا اعادہ کیا۔
ترجمان دفتر خارجہ کے مطابق دونوں رہنماوں نے اعلیٰ سطح کے روابط برقرار رکھنے کی اہمیت پر زور دیا اور باہمی طور پر رابطے میں رہنے پر اتفاق کیا۔
دفتر خارجہ کے مطابق اس موقع پر وزیراعظم شہباز شریف کے دورہ روس کو جلد شیڈول کرنے پر بھی بات ہوئی جبکہ اسحاق ڈار نے سرگئی لاروف کو پاکستان آنے کی دعوت بھی دی۔
