صدر مملکت آصف علی زرداری سے چین کے صوبے ہائنان کے گورنر نے ملاقات کی، جس میں اقتصادی تعاون اور تجارتی روابط کو وسعت دینے اور عوامی روابط کو فروغ دینے پر تبادلہ خیال کیا گیا۔
دونوں رہنماؤں نے علاقائی اور عالمی امور پر بھی بات چیت، امن، استحکام، مکالمے اور تعاون کے مشترکہ عزم کا اعادہ کیا۔
صدر زرداری نے کہا کہ پاکستان اور چین سدا بہار اور تزویراتی شراکت دار ہیں، چین کے ساتھ دوستی پاکستان کی خارجہ پالیسی کا بنیادی ستون ہے، کاروباری برادری میں روابط دو طرفہ تجارت میں اضافے کے لیے اہم ہیں۔
انہوں نے کہا کہ عالمی تجارت اور سرمایہ کاری کے لیے ہائنان صوبہ انتہائی اہمیت اختیار کر چکا، یہاں سیاحت، ہائی ٹیک صنعت اور زراعت میں باہمی تعاون کے مواقع موجود ہیں۔
صدر آصف زرداری نے کہا کہ سانیا میں چھٹے ایشیائی بیچ گیمز میں پاکستانی کھلاڑیوں کی شرکت خوش آئند ہے۔
