موٹروے ایم ون پر خوفناک حادثہ 2 نوجوان ہلاک

لیسٹرشائر کی ایم 1 موٹروے پر کار کو حادثہ پیش آیا ہے جس میں سوار دو افراد ہلاک ہوگئے۔ 

تفصیلات کے مطابق ایک تیز رفتار کار اچانک ایک پل سے نیچے جا گری اور نیچے سے گزرنے والی منی بس سے جاٹکرائی۔

یہ تصادم اس قدر شدید تھا کہ کار میں سوار دونوں نوجوان موقع پر ہی دم توڑ گئے جبکہ منی بس میں موجود مسافر خوف و ہراس کا شکار ہو گئے۔

حادثے کے بعد امدادی ٹیمیں فوری طور پر جائے وقوعہ پہنچ گئیں۔ پولیس نے واقعے کی تحقیقات شروع کر دیں اور عینی شاہدین سے اہم معلومات فراہم کرنے کی اپیل کردی۔ 

زخمیوں کو فوری طور پر اسپتال منتقل کر دیا گیا جہاں ان کی حالت خطرے سے باہر بتائی جا رہی ہے۔