گاڑیوں میں ہی ٹوئلٹ کی سہولت، چینی کمپنی کو ڈیزائن کیلئے لائسنس مل گیا

چین کی آٹو کمپنی سیریز نے ایک منفرد ایجاد کا لائسنس (پیٹنٹ) حاصل کیا ہے، جس کے تحت گاڑی میں وائس کنٹرول کے ذریعے چلنے والا ٹوائلٹ نصب کیا جا سکے گا۔

یہ ٹوائلٹ مسافر کی سیٹ کے نیچے سے باہر نکلتا ہے اور لمبے سفر یا کیمپنگ کے دوران استعمال کے لیے بنایا گیا ہے۔

یہ پیٹنٹ اپریل 2025 میں فائل کیا گیا تھا اور رواں ماہ اسے باضابطہ منظوری دی گئی۔ اس ٹوائلٹ میں ویسٹ کے لیے ٹینک جبکہ بدبو ختم کرنے کےلیے ایگزاسٹ فین بھی شامل ہے۔

کمپنی نے ابھی تک کسی گاڑی میں اس ٹیکنالوجی کے استعمال کا اعلان نہیں کیا۔ اس سے قبل حریف کمپنی پول اسٹون نے فولڈنگ سیٹ والا پورٹیبل ٹوائلٹ متعارف کرایا تھا۔