وکٹ کا اندازہ تھا، کنڈیشنز کے مطابق نہیں کھیلے، جیسن گیلسپی

حیدر آباد کنگزمین کے ہیڈ کوچ جیسن گیلسپی نے کہا ہے کہ ہمیں وکٹ کا اندازہ تھا لیکن ہم نے کنڈیشنز کے مطابق نہیں کھیلا۔

کراچی میں اسلام آباد یونائیٹڈ سے میچ میں شکست کے بعد میڈیا سے گفتگو میں جیسن گیلسپی نے کہا کہ جب آپ 80 پر آؤٹ ہو جاتے ہیں، تو اگلی ٹیم کو روکنا مشکل ہوتا ہے۔

انہوں نے کہا کہ ہمیں یقین ہے کہ ہم آخری میچ اچھا کھیل سکتے ہیں، صائم ایوب سے گلین میکسویل تک ہر کوئی بھرپور محنت کر رہا ہے۔

حیدر آباد کنگزمین کے ہیڈ کوچ نے مزید کہا کہ ہمیں وکٹ کا اندازہ تھا لیکن ہم نے کنڈیشنز کے مطابق نہیں کھیلا، ہم نےخراب بیٹنگ کی، اس پر کوئی بہانہ نہیں کرسکتے۔