جلد ایسا اسلحہ استعمال کریں گے جس سے دشمن کانپتا ہے: ایرانی نیول چیف

ایرانی نیول چیف ایڈمرل شہرام ایرانی نے خبردار کیا ہے کہ جلد ایسا اسلحہ استعمال کریں گے جس سے دشمن کانپتا ہے۔

اپنے ایک بیان میں ایرانی نیول چیف نے کہا کہ یہ اسلحہ دشمن کے بہت قریب ہے، امید ہے انہیں دل کا دورہ نہ پڑے۔

ایڈمرل شہرام ایرانی کا کہنا ہے کہ دشمن بحیرۂ عرب سے ہرمز کی جانب تھوڑا بھی بڑھا تو تیز تر ردِعمل دیں گے، امریکی فوری فتح کا اندازہ اب ملٹری اکیڈمیز میں مذاق ہے۔

دوسری جانب ایران کی ناکہ بندی بڑھانے کی خبروں پر عالمی مارکیٹ میں تیل کی قیمتیں 4 سال کی بلند ترین سطح پر پہنچ گئیں۔

برینٹ خام تیل کی قیمت 122 ڈالرز فی بیرل پر پہنچ گئی ہے جبکہ ڈبلیو ٹی آئی 108 ڈالرز اور مربن کی قیمت 109 ڈالرز فی بیرل سے تجاوز کر گئی ہے۔