بالی ووڈ کی معروف اداکارہ ملائیکہ اروڑا نے بیٹے ارہان خان سے متعلق بتایا کہ اس کا شادی اور بچے کرنے کا کوئی ارادہ نہیں ہے۔
اداکارہ نے اپنے حالیہ انٹرویو میں اپنے بیٹے ارہان خان کے ساتھ ہونے والی دلچسپ گفتگو شیئر کی، جس میں اس کے خیالات نے انہیں حیران بھی کیا اور سوچنے پر بھی مجبور کر دیا۔
ارباز خان کی سابقہ اہلیہ 52 سالہ ملائیکہ اروڑا نے کہا کہ ان کا بیٹا نہ صرف ان کے ساتھ قریبی تعلق رکھتا ہے بلکہ اکثر انہیں سنجیدہ اور حقیقت پسندانہ مشورے بھی دیتا ہے۔
شادی اور بچوں پر بیٹے کے منفرد مؤقف سے متعلق ملائیکہ اروڑا نے بتایا کہ ارہان نے ان سے کہا کہ ’ماما، میں شادی نہیں کروں گا، اس لیے آپ دادی بننے کی امید چھوڑ دیں۔
اداکارہ نے مزید بتایا کہ ان کا بیٹے نے بتایا کہ جب ایئر کوالٹی انڈیکس 500 یا 1000 ہو تو میں اس دنیا میں بچوں کو کیوں لانا چاہوں گا ؟ یہ اس قابل نہیں ہے بیٹے کی یہ بات سن کر پہلے میں حیران ہوئی مگر بعد میں اسے کہا کہ میں تمھارے فیصلوں کا احترام کروں گی تم جو بھی فیصلہ کرو بس خوش رہو۔
