پاکستان شوبز انڈسٹری کی معروف اداکارہ دنانیر مبین کو فلم ’میرا لیاری‘ کی پروموشن کے دوران بولڈ لباس پہننے پر تنقید کا سامنا کرنا پڑ رہا ہے۔
دنانیر مبین آج کل فلم’میرا لیاری‘ کی پروموشن کے لیے برطانیہ میں موجود ہیں اور وہاں مختلف پروموشنل ایونٹس میں شرکت کرتی نظر آ رہی ہیں۔
اُنہوں نے فلم کے حالیہ پروموشنل ایونٹ کے لیے مغربی طرز کے لباس کا انتخاب کیا۔
وہ تقریب میں ٹوئیڈ سیٹ یعنی سرمئی رنگ کی جیکٹ اور منی اسکرٹ کے ساتھ سیاہ رنگ کی ٹائٹس پہنے نظر آئیں۔
اس سے قبل فلم کے پہلے پروموشنل ایونٹ کے لیے بھی دنانیر مبین نے بولڈ لباس پہننے کا انتخاب کیا تھا۔
فلم کی کہانی کراچی کے علاقے لیاری کی خواتین فٹبالرز پر مبنی ہے اور فلم میں اداکارہ نے مرکزی کردار ادا کیا ہے، اسی لیے پہلے پروموشنل ایونٹ کے لیے انہوں نے بلون پینٹ کے ساتھ سفید رنگ کی قمیض کے اوپر فٹ بال تھیم والی کورسیٹ کا انتخاب کیا۔
فلم کے پروموشنل ایونٹس کے لیے دنانیر مبین کے اس طرح کے بولڈ ملبوسات کے انتخاب پر سوشل میڈیا صارفین شدید تنقید کرتے نظر آ رہے ہیں۔
