پاکستان ٹیم کی دونوں اوپنرز نے سنچریاں بنا ڈالیں

پاکستان ویمن کرکٹ ٹیم کی دونوں اوپننگ بیٹرز نے زمبابوے ویمن ٹیم کے خلاف دوسرے ون ڈے میں سنچریاں اسکور کردیں۔ 

کراچی کے نیشنل اسٹیڈیم میں کھیلے جارہے سیریز کے دوسرے ون ڈے میچ میں دونوں اوپنرز نے یہ اعزاز حاصل کیا۔ 

پہلے گل فیروزہ نے سنچری بنائی اور اس کے بعد صدف شمس نے بھی 100 کا ہندسہ عبور کرلیا اور اپنے کیریئر کی پہلی سنچری بنائی۔ 

صدف شمس ون ڈے میں مسلسل چار اننگز میں 50 یا اس سے زائد رنز کرنے والی پہلی پاکستانی خاتون کرکٹر بھی بن گئیں۔ 

صدف شمس نے جنوبی افریقہ کے خلاف 61 اور 67 رنز کی اننگز کھیلی تھی جبکہ زمبابوے کے خلاف پہلے ون ڈے میں وہ 98 رنز بنا کر آؤٹ ہوگئی تھیں۔ 

صدف شمس نے زمبابوے کے خلاف دوسرے میچ میں آج 110 گیندوں پر سنچری اسکور کی۔