چیئرمین پاکستان تحریک انصاف (پی ٹی آئی) بیرسٹر گوہر نے 28ویں ترمیم پر حکومت سے موقف واضح کرنے کا مطالبہ کردیا۔
پارلیمنٹ ہاؤس کے باہر میڈیا سے گفتگو میں بیرسٹر گوہر کا کہنا تھا کہ تحریک انصاف کے سامنے ابھی کوئی ڈرافٹ نہیں رکھا گیا، یہ اسمبلی 26ویں اور 27ویں ترمیم کے بعد 28ویں ترمیم کی متحمل نہیں ہوسکتی۔
بیرسٹر گوہر نے سوال کیا کہ کیا 18ویں ترمیم رول بیک ہو رہی ہے؟ کیا کچھ محکمے واپس وفاق کے پاس آ رہے ہیں؟ حکومت ترمیم تمام سیاسی جماعتوں کو اعتماد میں لیے بغیر نہیں لا سکتی۔
انہوں نے مزید کہا کہ ہم ان ترامیم کے خلاف ہیں۔ یہ متنازع ہیں، صوبوں کی حق تلفی نہ کی جائے، این ایف سی کو نہ چھیڑا جائے، صوبوں سے این ایف سی کی مد میں زیادہ شیئر لینے کی بجائے وفاق اپنی آمدن بڑھائے۔
Soledad is the Best Newspaper and Magazine WordPress Theme with tons of options and demos ready to import. This theme is perfect for blogs and excellent for online stores, news, magazine or review sites.
