بانی کیلئے عدالت نہ آنیوالے اراکین کے نام سامنے لائے جائیں، سلمان اکرم راجا

پاکستان تحریک انصاف (پی ٹی آئی) کے مرکزی رہنما سلمان اکرم راجا نےکہا ہے کہ رہائی کےلیے کہیں بات چیت ہو رہی ہے تو وہ نہیں جانتے۔

پارٹی معاملات میں سلمان اکرم راجا نے دو ٹوک موقف اختیار کرلیا اور کہا کہ وقت آ گیا ہے کہ بانی پی ٹی آئی سے اظہار یکجہتی کے لیے عدالت نہ آنے والے ارکان پارلیمنٹ کے نام سامنے لائے جائیں۔

انہوں نے کہا کہ پارٹی میں کچھ لوگ پارٹی کو کمزور کر رہے ہیں، بشریٰ بی بی کی رہائی سے متعلق سوال پر کہا کہ اگر کہیں بات چیت ہو رہی ہے تو وہ نہیں جانتے۔

پی ٹی آئی کے مرکزی رہنما نے ارکان پارلیمان کی جانب سے پارٹی فنڈنگ میں پیسے جمع نہ کرانے کا بھی شکوہ کیا۔

اُن کا کہنا تھا کہ پارلیمنٹیرینز کو ساڑھے 5 لاکھ روپے سے زیادہ تنخواہ مل رہی ہے، پی ٹی آئی ارکان پارلیمنٹ کی ایک بڑی تعداد پارٹی فنڈ کے لیے پیسے جمع نہیں کرا رہی۔