افریقی ملک سیشیلز میں دنیا کا معمر ترین خشکی کا جانور سمجھا جانے والا دیوہیکل کچھوا زندہ ہے، جوناتھن کے مرنے کی خبریں جھوٹی ثابت ہوگئیں۔
سوشل میڈیا پر بدھ کے روز کئی پوسٹ سامنے آئیں جن میں دعویٰ کیا گیا کہ 193 سالہ جوناتھن مر گیا ہے۔
یہ پیغام ایک جعلی اکاؤنٹ سے جاری ہوا تھا جس نے خود کو کچھوے کا ڈاکٹر ظاہر کیا اور لوگوں سے کرپٹو ڈونیشنز مانگے۔ تاہم جزیرہ کے گورنر نائیجل فلپس نے تصدیق کی کہ جوناتھن زندہ اور صحت مند ہے۔
اس موقع پر اصل ویٹرنری ڈاکٹر جو ہولنز نے بھی وضاحت کی کہ یہ خبر ایک دھوکہ ہے اور کرپٹو فراڈ کا حصہ ہے۔
جوناتھن جنوبی بحرِ اوقیانوس کے جزیرے سینٹ ہیلینا میں گورنر کی رہائش گاہ پلانٹیشن ہاؤس کے باغات میں رہتا ہے، جہاں اس کے ساتھ تین اور دیوہیکل کچھوے بھی موجود ہیں۔
گنیز بک ورلڈ ریکارڈ کے مطابق وہ دنیا میں موجود کچھوؤں میں سب سے زیادہ عرصہ زندہ رہننے والا خشکی کا جانور ہے، اگرچہ اس کی درست عمر معلوم نہیں۔
