اسلام آباد پولیس نے منگل کی رات 26 نمبر چونگی پر پی ٹی آئی کارکنوں کو منتشر کر دیا، دھرنا ختم، وزیراعلیٰ کے پی سہیل آفریدی اور بانی پی ٹی آئی کی بہنیں26 نمبر چنگی سے روانہ ہوگئیں۔
ایئرپورٹ سے اسلام آباد آنے والے راستے کھول دیے گئے، بانی پی ٹی آئی سے ملاقات کے لیے اڈيالہ جیل جانے والے وزیر اعلیٰ خیبر پختونخوا سہیل آفریدی کا قافلہ منگل کو چھبیس نمبر چُنگی پر روک لیا گیا تھا۔
پی ٹی آئی کے دھرنے کے باعث کئی گھنٹے ٹریفک جام رہا، شدید گرمی میں شہری پریشان ہوتے رہے، جبکہ گاڑیوں کی لمبی قطاریں لگی رہیں۔
تحریک انصاف کے چیئرمین بیرسٹر گوہر نے کہا راستے بند کرنے سے مسئلے حل نہیں ہوتے، سیاسی مسائل کا حل سیاسی طریقے سے ہی نکلے گا۔
ان کا کہنا تھا کہ مذاکرات کا چینل کھلا رہنا چاہیے، بانی پی ٹی آئی سے فیملی کی ملاقات کرائی جائے، ڈاکٹروں کو بانی پی ٹی آئی تک رسائی دی جائے۔
