حالیہ تنازع کا حل جنگ میں نہیں، ایرانی نائب وزیر خارجہ

ایران کے نائب وزیر خارجہ سعید خطیب زادہ نے کہا ہے کہ حالیہ تنازع کا حل جنگ میں نہیں، سفارت کاری بدستور آگے بڑھنے کا واحد راستہ ہے۔ 

ایک بیان میں ایرانی نائب وزیر خارجہ نے کہا کہ سفارتکاری کی جگہ ہر راستہ غیر مقبول ہوتا ہے۔ 

انہوں نے مزید کہا کہ تنازع ختم کرنے کے لیے ایران ایک کے بعد ایک تجویز پیش کر رہا ہے، یہ تجاویز مساوی حقوق کی بنیاد پر ہیں۔

واضح رہے کہ امریکی صدر ڈونلڈ ٹرمپ نے ایران کی پیشکش مسترد کرتے ہوئے کہا کہ جوہری معاہدے تک ناکہ بندی برقرار رہے گی۔

دوسری جانب ترجمان وائٹ ہاؤس کا کہنا ہے کہ صدر ڈونلڈ ٹرمپ ایران کو کبھی بھی جوہری ہتھیار حاصل کرنے نہیں دیں گے۔