89 یونین کونسلز میں 12مئی سے خصوصی پولیو بوسٹر مہم شروع کرنے کا فیصلہ

کراچی کی 89 یونین کونسلز میں 12مئی سے خصوصی پولیو بوسٹر مہم شروع کرنے کا فیصلہ کیا گیا ہے۔

ای او سی سندھ کے مطابق پولیو بوسٹر مہم میں10 سال تک کے بچوں کو پولیو سے بچاؤ کے قطرے پلائے جائیں گے۔

ای او سی سندھ نے بتایا ہے کہ خصوصی پولیو بوسٹر مہم 12 مئی سے 25 مئی تک جاری رہے گی۔

یہ مہم ان یوسیز میں چلائی جائے گی جہاں سیوریج نمونوں میں پولیو وائرس کی موجودگی سامنے آئی ہے۔

ای او سی سندھ کے مطابق کراچی کی 89 یونین کونسلز میں 18 لاکھ بچوں کو پولیو سے بچاؤ کے قطرے پلانے کا ہدف مقرر ہے۔

ای او سی سندھ نے یہ بھی بتایا ہے کہ اسکولز سمیت کیمپس لگا کر بچوں کو پولیو سے بچاؤ کے قطرے پلائے جائیں گے۔