چینی صدر شی جن پنگ نے امریکی کاروباری شخصیات کے وفد سے ملاقات میں کہا ہے کہ چین کے دروازے دنیا کے لیے مزید وسیع انداز میں کھلیں گے اور امریکی کمپنیوں کے لیے چین میں روشن مواقع موجود ہیں۔
چینی سرکاری میڈیا کے مطابق شی جن پنگ نے امریکا کے ساتھ باہمی تعاون مضبوط بنانے کا خیر مقدم کیا ہے۔
انہوں نے کہا ہے کہ دونوں ممالک کے درمیان اقتصادی روابط عالمی معیشت کے لیے اہم ہیں۔
دوسری جانب امریکی صدر ڈونلڈ ٹرمپ کے دورۂ چین کے دوران کئی بڑی امریکی کمپنیوں کے سربراہان بھی وفد میں شامل ہیں جن میں ایلون مسک اور این ویڈیا کے چیف ایگزیکٹیو جینسن ہوانگ نمایاں ہیں۔