پاکستانی اداکار فیروز خان نے بالی ووڈ سپر اسٹار شاہ رخ خان کے صاحبزادے آریان خان کی ایک ویڈیو شیئر کرکے مداحوں کی توجہ حاصل کرلی۔
فیروز خان ان دنوں جیو ٹی وی کے مقبول ڈرامے شیدائی میں اپنی اداکاری کے باعث خوب تعریفیں سمیٹ رہے ہیں، سوشل میڈیا پر بھی کافی متحرک دکھائی دیتے ہیں۔
حال ہی میں انہوں نے آریان خان کی ایک ویڈیو اپنی انسٹاگرام اسٹوری پر شیئر کی، جس میں آریان اپنے قریبی دوست کی شادی کی تقریبات میں خوشگوار انداز میں شریک تھے۔
ویڈیو میں آریان خان کو روایتی جوتا چھپائی رسم سے لطف اندوز ہوتے دیکھا گیا، جس پر فیروز خان نے ان کے اندازِ زندگی اور دوستوں سے وابستگی کی تعریف کی۔
فیروز خان نے اپنی پوسٹ میں لکھا کہ زندگی ایسے ہی جینی چاہیے، اپنے دوستوں اور ان کی خوشیوں کو سیلیبریٹ کرتے ہوئے، اگر زندگی آپ کو کامیابی دے تو اپنے دوستوں اور خاندان سے دُور مت ہو جائیں۔
اداکار کے اس پیغام کو سوشل میڈیا صارفین کی جانب سے خوب سراہا جارہا ہے، جبکہ کئی مداحوں نے فیروز خان اور آریان خان کے اندازِ فکر کو مثبت قرار دیا۔
