امریکی صدر ڈونلڈ ٹرمپ نے کہا ہے کہ اگر ایران معاہدے پر راضی ہوگیا تو آبنائے ہرمز ایران سمیت سب کے لیے کھول دی جائے گی، امریکی آپریشن ایپک فیوری بھی ختم کردیا جائے گا۔
امریکی صدر ڈونلڈ ٹرمپ نے ایران کو معاہدہ قبول نہ کرنے کی صورت میں بڑے پیمانے پر حملوں کی دھمکی بھی دے دی۔
سوشل میڈیا پر جاری اپنے ایک بیان میں امریکی صدر نے کہا کہ ایران نے معاہدے پر رضامندی ظاہر کردی تو امریکی آپریشن ختم ہوجائے گا۔
ڈونلڈ ٹرمپ کا کہنا تھا کہ ایران معاہدے پر راضی ہوا تو آبنائے ہرمز ایران سمیت سب کے لیے کھول دیا جائے گا۔
انہوں نے یہ بھی کہا کہ ایران نے معاہدہ قبول نہیں کیا تو بڑے پیمانے پر حملے کریں گے۔ ایران پر حملے پہلے سے کہیں زیادہ شدید اور طاقتور ہوں گے۔
علاوہ ازیں امریکی اخبار کو انٹرویو دیتے ہوئے امریکی صدر کا کہنا تھا کہ مذاکرات کےلیے اسلام آباد جانے کی تیاری کرنا قبل ازوقت ہے۔
انہوں نے مزید کہا کہ ایران اور امریکا کے درمیان آمنے سامنے بیٹھ کر امن مذاکرات کے بارے میں سوچنا قبل از وقت ہے۔
