آسٹریلیا کے خلاف 3 ون ڈے انٹرنیشنل میچز کی سیریز کے لیے پاکستان کے 16 رکنی اسکواڈ کا اعلان کر دیا گیا۔
شاہین شاہ آفریدی آسٹریلیا کے خلاف ون ڈے انٹرنیشنل سیریز میں قومی ٹیم کی قیادت کریں گے جبکہ سلمان علی آغا (نائب کپتان) ہوں گے۔
16 رکنی اسکواڈ کے اہم کھلاڑیوں میں بابر اعظم، حارث رؤف، معاذ صداقت، نسیم شاہ، صاحبزادہ فرحان، عبدالصمد، ابرار احمد، شاداب خان، شامل حسین اور سفیان مقیم شامل ہیں۔
قومی ون ڈے انٹرنیشنل اسکواڈ میں احمد دانیال، عرفات منہاس کے ساتھ ساتھ محمد غازی غوری اور روحیل نذیر کو وکٹ کیپر بیٹرز کے طور پر شامل کیا گیا ہے۔
عثمان خان بیماری کے باعث آسٹریلیا ون ڈے انٹرنیشنل سیریز کے لیے زیرِ غور نہیں آئے جبکہ فخر زمان اور صائم ایوب انجری کے باعث بدستور ری ہیبلیٹیشن پروگرام جاری رکھیں گے۔
ون ڈے انٹرنیشنل میچز کی سیریز 30 مئی سے 4 جون تک راولپنڈی اور لاہور میں کھیلی جائے گی۔
