امریکا توانائی کی منڈیوں کا بڑا فاتح ہے، اسکاٹ بیسنٹ

امریکی وزیر خزانہ اسکاٹ بیسنٹ نے کہا ہے کہ امریکا توانائی کی منڈیوں کا بڑا فاتح ہے۔

امریکی چینل کو دیئے گئے انٹرویو میں اسکاٹ بیسنٹ نے کہا کہ جنگ کے بعد تیل کی قیمتیں بہت کم ہونی چاہئیں۔

انہوں نے کہا کہ مستقبل میں مارکیٹ میں تیل کی قیمتوں میں کمی کی پیش گوئی ہے، امریکا کی توانائی برآمدات اب بلند سطح پر ہیں۔

امریکی وزیر خزانہ نے مزید کہا کہ امریکی توانائی برآمدات کو صرف انفرا اسٹرکچر کی کمی روک رہی ہے، امریکا توانائی کی منڈیوں میں بڑا فاتح ہے۔

اُن کا کہنا تھا کہ آبنائے ہرمز سے مزید جہاز گزرتے دیکھے تو حیرانی نہیں ہوگی، ایران کو جہازوں سے ٹول وصول کرنے کی کوششوں سے زیادہ فائدہ نہیں ہو رہا۔

اسکاٹ بیسنٹ نے یہ بھی کہا کہ صدر ڈونلڈ ٹرمپ کی چین کے صدر کے ساتھ آئندہ ملاقات میں کسی تبدیلی کا امکان نہیں۔