امریکی پیغام سے ایران،امریکا اختلافات میں جزوی کمی کا دعویٰ

امریکا کے بھیجے گئے پیغام نے کسی حد تک اختلافات کم کیے ہیں، لیکن ان اختلافات کو مزید کم کرنے کے لیے واشنگٹن کی جانب سے جنگ کی دھمکیوں کا خاتمہ ضروری ہے۔

امریکی تجاویز پر ایرانی خبر ایجنسی کی رپورٹ کے مطابق ترجمان ایرانی وزارت خارجہ اسماعیل بقائی نے کہا ہے کہ سنجیدگی اور نیک نیتی مگر ٹھوس منطقی شکوک و شبہات کے ساتھ مذاکرات کا رستہ اپنا رہا ہے۔ 

انہوں نے کہا کہ ایران تمام محاذوں پر جنگ کا خاتمہ، منجمد اثاثوں کا اجرا، ایرانی جہازوں کیخلاف بحری قزاقی کا خاتمہ چاہتا ہے۔

اسماعیل بقائی کا کہنا تھا کہ جوہری معاملات پر قیاس آرائیوں کا حقیقت سے کوئی تعلق نہیں۔

انہوں نے خبردار کیا کہ امریکا کا دھمکی آمیز رویہ غیر موثر رہے گا۔