ایف آئی اے کی نوابشاہ میں کارروائی، منشیات اسمگلنگ اور حوالہ ہنڈی میں ملوث 6 ملزمان گرفتار

فیڈرل انوسٹیگیشن ایجنسی (ایف آئی اے) نے نواب شاہ کے مختلف علاقوں میں کارروائیاں کرتے ہوئے منشیات اسمگلنگ اور حوالہ ہنڈی میں ملوث 6 ملزمان کو گرفتار کرلیا، ملزمان کے خلاف مقدمہ بھجی درج کرلیا گیا۔ 

حکام ایف آئی اے کے مطابق گرفتار ملزمان میں ایس ایس پی سانگھڑ کے دفتر کا جونیئر کلرک بھی شامل ہے۔ 

ایف آئی اے حکام کا کہنا ہے کہ جونیئر کلرک منشیات کی اسمگلنگ اور حوالہ ہنڈی میں ملوث تھا۔

حکام کا کہنا ہے کہ ایک ملزم سے 9 ایم ایم پستول، گاڑی، نقد رقم اور موبائل فونز برآمد کیے ہیں۔

ایف آئی اے حکام کے مطابق کارروائی میں ملزمان سے ایک کروڑ 79 لاکھ روپے نقدی برآمد کی گئی ہے۔ ملزمان سے متعدد اے ٹی ایم کارڈز، چیک بکس، لیپ ٹاپ، ہارڈ ڈرائیوز بھی برآمد ہوئی ہیں۔