اقوامِ متحدہ میں پاکستانی کونسلر صائمہ سلیم نے کہا ہے کہ بھارت دہشت گردی برآمد کرتا ہے، ٹی ٹی پی، بی ایل اے، مجید بریگیڈ بھارت کے پراکسی گروہ ہیں۔
انہوں نے یہ بات سلامتی کونسل میں اپنے بیان میں کہی۔ صائمہ سلیم نے کہا کہ افغان سرزمین سے حملوں کی منصوبہ بندی اور سہولت کاری ہوئی۔
کونسلر صائمہ سلیم کا کہنا تھا کہ پاکستان نے دہشت گردوں کے ٹھکانوں پر درست آپریشن کیے۔طالبان حکومت کے الزامات گمراہ کن مہم کا حصہ ہیں۔
انہوں نے کہا کہ بھارت جموں و کشمیر پر قبضہ چھپا نہیں سکتا، مقبوضہ کشمیر میں شہریوں کو قتل، گرفتار اور بے دخل کیا جا رہا ہے۔ بھارت میں مسلمانوں سمیت اقلیتوں پر ظلم معمول بن چکا ہے۔
اقوامِ متحدہ میں پاکستانی کونسلر نے کہا کہ سندھ طاس معاہدے کو بھارت نے معطل رکھا ہے۔
ان کا مزید کہنا تھا کہ پاکستان امن، مکالمے اور قانون کی پاسداری پر یقین رکھتا ہے۔
