تائیوان حکومت کے ترجمان کا کہنا ہے کہ امریکا نے متعدد بار تائیوان کی حمایت پر اپنا واضح مؤقف اختیار کیا ہے۔
ترجمان کا کہنا ہے کہ تائیوان کے لیے امریکی حمایت پر شکر گزار ہیں، آبنائے تائیوان اور انڈو پیسیفک خطے میں عدم استحکام کی وجہ چین ہے۔
دوسری جانب چینی صدر شی جن پنگ نے کہا ہے کہ تائیوان کا مسئلہ چین امریکا تعلقات میں سب سے اہم ہے۔
سرکاری میڈیا کے مطابق انہوں نے چین کے دارالحکومت بیجنگ میں امریکی صدر ڈونلڈ ٹرمپ سے گفتگو کے دوران کہا کہ تائیوان کا مسئلہ درست طریقے سے نہ سنبھالا تو امریکا و چین کشیدگی کی طرف جا سکتے ہیں۔
چینی صدر نے کہا کہ چین اور امریکا کو ایک دوسرے کا حریف نہیں بلکہ شراکت دار بننا چاہیے، امریکی وفد کو چین میں خوش آمدید کہتے ہیں۔
عوامی جمہوریہ چین کے صدر کا کہنا ہے کہ بین الاقوامی صورتِ حال مسلسل تغیر پزیر اور ہنگامہ خیز ہے۔
