جمعیت کا منشور ہے اسلامی بلاک وجود میں آئے، فضل الرحمان

جمعیت علماء اسلام کے سربراہ مولانا فضل الرحمان نے کہا ہے پاکستان اور سعودی عرب کے درمیان دفاعی معاہدہ ہوا تو انہوں نے اس کی غیر مشروط حمایت کی۔ 

کراچی میں اتحاد امت کانفرنس سے خطاب کرتے ہوئے مولانا فضل الرحمان نے کہا کہ جمعیت کا منشور ہے کہ اسلامی بلاک وجود میں آئے۔

ان کا کہنا تھا کہ اب مسئلہ قبلۂ اول سےایران تک پہنچ گیا، عرب ممالک سے کہتے ہیں یہ ایک ہونے کا وقت ہے۔

سربراہ جے یو آئی نے کہا کہ وہ نفرت تعصب کے قائل نہیں، اختلاف پر بات کریں، سلیقے اور شائستگی کے ساتھ کریں۔

انہوں نے کہا کہ وہ پاکستان میں محبت کی سیاست کر رہے ہیں، آئیں ایک دفاعی قوت بن کر امت کا دفاع کریں۔