راجن پور کے علاقے فاضل پور میں پولیس نے کارروائی کرتے ہوئے 4 مغوی افراد کو بازیاب کروا لیا جبکہ 5 ملزمان کو گرفتار کر لیا ہے۔
ڈی پی او محمد عمران کے مطابق بازیاب ہونے والوں میں 1 خاتون، 2 بچے اور 12 سالہ لڑکی شامل ہیں، مغویوں کو 10 روز قبل گھر کے باہر سے مبینہ طور پر اغواء کیا گیا تھا۔
پولیس کا کہنا ہے کہ یہ واقعہ مبینہ طور پر انتقامی کارروائی کا نتیجہ ہے جس میں لاپتہ ہونے والی لڑکی کے رشتے دار ملوث پائے گئے ہیں، لڑکی نے اپنے پڑوس میں رہنے والے نوجوان سے کراچی میں شادی کر لی تھی۔
ڈی پی او کے مطابق لاپتہ لڑکی کی جانب سے نکاح نامہ اور بیان پولیس کو موصول ہو چکے ہیں جس میں اس نے اپنی مرضی سے شادی کرنے کا دعویٰ کیا ہے۔
پولیس نے تھانہ فاضل پور میں درج مقدمات کی بنیاد پر مزید تحقیقات شروع کر دی ہیں۔
Soledad is the Best Newspaper and Magazine WordPress Theme with tons of options and demos ready to import. This theme is perfect for blogs and excellent for online stores, news, magazine or review sites.
