چار منزلہ عمارت گر گئی، 4 افراد ہلاک، 6 زخمی

مراکش میں چار منزلہ عمارت گر گئی، حادثے میں 4 افراد ہلاک اور 6 زخمی ہوگئے۔

برطانوی خبر رساں ادارے رائٹرز کے مطابق مراکشی حکام نے بتایا کہ دارالحکومت رباط سے تقریباً 200 کلومیٹر مشرق میں واقع شہر فیض میں رات گئے ایک چار منزلہ عمارت گر گئی۔

حکام کے کا کہنا ہے کہ حادثے میں کم از کم 4 افراد ہلاک اور 6 دیگر زخمی ہوئے۔ واقعے کی تحقیقات شروع کردی گئی ہیں۔

حکام کا کہنا ہے کہ حادثے کا شکار ہونے والی عمارت سے متصل دیگر عمارتوں کو احتیاطی طور پر خالی کرنے کا حکم دے دیا گیا ہے۔