کاجول نے اسکرین پر ایک اہم اصول توڑنے کی وجہ بتا دی

بھارتی فلم انڈسٹری کی معروف اداکارہ کاجول نے انکشاف کیا ہے کہ انہوں نے اپنے طویل عرصے سے قائم نو کِس رول کو کیوں توڑا۔

اداکارہ متعدد سپرہٹ فلموں میں اپنی بہترین اداکاری کے لیے جانی جاتی ہیں، انہوں نے بتایا کہ میں اپنے کیریئر کے آغاز سے اس اصول پر قائم تھی کہ اسکرین پر ایسے مناظر نہیں دوں گی، تاہم اپنی او ٹی ٹی ڈیبیو سیریز میں یہ اصول توڑ دیا۔

 اس حوالے سے بات کرتے ہوئے کاجول نے کہا کہ یہ فیصلہ کردار کی ضرورت کے مطابق تھا، نہ کہ ذاتی خواہش کے تحت اور کہانی کا اہم حصہ تھا۔

انہوں نے کہا کہ اس سین کو نکالنے سے کردار کی مکمل تاثیر ختم ہو جاتی، اس لیے اسے برقرار رکھنا ضروری تھا۔

کاجول کے مطابق میں شوٹنگ کے وقت بھی اس فیصلے کے حوالے سے غیر یقینی کا شکار تھی، لیکن بعد میں نے اسے ایک پیشہ ورانہ فیصلہ قرار دے دیا۔