پاکستان میں غیر ملکی سرمایہ کاروں کی کمپنی رجسٹریشن میں اضافہ ہوگیا ہے۔
سیکیورٹیز اینڈ ایکسچینج کمیشن پاکستان (ایس ای سی پی) کے مطابق کارپوریٹ سیکٹر میں غیر ملکی سرمایہ کاری برقرار ہے جبکہ گروتھ میں تیزی آئی ہے۔
ایس ای سی پی کا کہنا ہے کہ جنوری تا مارچ 220 کمپنیوں میں غیر ملکی شیئر ہولڈرز شامل ہوئے۔ غیر ملکی ڈائریکٹرز کی کمپنیوں کا ادا شدہ سرمایہ 657 ملین روپے ہے۔
کمیشن کے مطابق غیر ملکی سرمایہ کاروں نے ٹریڈنگ، سروسز، آئی ٹی، تعمیرات اور مائننگ میں دلچسپی لی ہے۔
ایس ای سی پی کا کہنا ہے کہ جنوری تا مارچ 10 ہزار 318 نئی کمپنیاں رجسٹر ہوئی ہیں، یہ اضافہ 12.5 فیصد ہے۔ 58.6 فیصد پرائیویٹ لمیٹڈ جبکہ 37.9 فیصد سنگل ممبر کمپنیاں ہیں۔
کمیشن کے مطابق 50.2 فیصد پنجاب، 19 فیصد اسلام آباد، 15.5 فیصد سندھ میں رجسٹرڈ ہوئیں۔
آئی ٹی اور ای کامرس میں 2,065، ٹریڈنگ میں 1,687، سروسز میں 1,288، رئیل اسٹیٹ میں 934، سیاحت میں 581، فوڈ اینڈ بیوریجز میں 497 اور تعلیم میں 363 کمپنیاں رجسٹرڈ ہوئی ہیں۔
