بجٹ مذاکرات کے لیے پاکستان میں موجود آئی ایم ایف مشن کا دورہ مکمل ہو گیا، آئی ایم ایف کے مطابق وفد نےمعاشی صورتحال اور مالیاتی پالیسیوں کا جائزہ لیا۔ مالی سال 2027 کی بجٹ حکمت عملی پر غور کیا گیا۔
مالی سال 2027 کے بجٹ پر بات چیت آئندہ دنوں بھی جاری رہے گی، اسٹیٹ بینک نے افراط زر قابو میں رکھنے کی یقین دہانی کرائی ہے۔
پاکستانی حکام نے مالی سال 2027 میں جی ڈی پی کے 2 فیصد کے بنیادی اضافی ہدف کے عزم کو دہرایا ہے۔
ذرائع کے مطابق آئی ایم ایف نے پیٹرولیم لیوی کے ہدف میں اٹھارہ فیصد اضافے کی سفارش کردی، بجلی اور گیس کی قیمتیں سال میں دو بار بڑھانے کی شرط برقرار ہے۔
ایف بی آر کے لیے آئندہ مالی سال کے دوران پندرہ ہزار دو سو چونسٹھ ارب روپے ٹیکس وصولی کا ہدف مقرر کیا گیا ہے۔
صوبوں کو اضافی چار سو تیس ارب روپے ریونیو جمع کرنے کا ہدف سمیت صوبوں سے وفاق کو تقریباً دو ٹریلین روپے سرپلس دینے کا مطالبہ کیا گیا ہے۔
