عیدالاضحیٰ کی تعطیلات پر بینک کتنے روز بند رہیں گے؟

اسٹیٹ بینک آف پاکستان نے عید الاضحیٰ کے موقع پر تعطیلات کا اعلان کر دیا۔

اسٹیٹ بینک کے مطابق بینک دولت پاکستان (ایس بی پی) عید الاضحیٰ کے موقع پر عام تعطیلات کے باعث 26 تا 28 مئی 2026ء (منگل تا جمعرات) بند رہے گا۔

مرکزی بینک  کا کہنا ہے کہ ان تاریخوں کے دوران بینک کے تمام دفاتر میں کاروباری و دفتری سرگرمیاں معطل رہیں گی۔

بینک 29 مئی بروز جمعہ سے اپنے معمول کے مطابق دوبارہ کھل جائیں گے۔

واضح رہے کہ وفاقی حکومت کی جانب سے عیدالاضحیٰ کی تعطیلات کا نوٹیفکیشن جاری کر دیا گیا ہے۔

نوٹیفکیشن کے مطابق عیدالاضحیٰ کی تعطیلات 26، 27 اور 28 مئی تک ہوں گی۔