ڈونلڈ ٹرمپ اور اماراتی صدر کے درمیان ٹیلیفونک رابطہ

امریکی صدر ڈونلڈ ٹرمپ نے اماراتی صدر شیخ محمد بن زايد النہیان سے ٹیلیفونک رابطہ کیا ہے۔

اماراتی میڈیا کی رپورٹ کے مطابق ٹیلیفونک گفتگو میں ڈونلڈ ٹرمپ اور شیخ محمد بن زايد النہیان نے  مشرقِ وسطیٰ کی صورتِ حال پر تبادلۂ خیال کیا۔

رپورٹ میں بتایا گیا ہے کہ دونوں رہنماؤں نے ٹیلیفونک رابطے میں خطے کے مختلف امور کا جائزہ بھی لیا۔

رپورٹ کے مطابق بات چیت کے دوران امریکی اور اماراتی صدور نے اسٹریٹجک تعاون پر بھی تبادلۂ خیال کیا۔

رپورٹ میں بتایا گیا ہے کہ دونوں رہنماؤں نے امریکا اور امارات کے درمیان شراکت داری مضبوط بنانے پر اتفاق کیا۔