3
امریکی محکمہ خارجہ نے امریکی آزادی کی سالگرہ کی مناسبت سے صدر ڈونلڈ ٹرمپ کی تصویر والے محدود پاسپورٹ کے اجراء کا اعلان کردیا۔
یہ اقدام امریکا کے قیام کی 250ویں سالگرہ کی تقریبات کے سلسلے میں کیا جارہا ہے، جو جولائی میں منعقد ہوں گی۔
امریکی میڈیا کے مطابق نئے ڈیزائن کے پاسپورٹ کے اندرونی سرورق پر صدر ٹرمپ کی تصویر دکھائی دے گی جس کے پس منظر میں امریکا کی آزادی کے اعلان کی تحریر نقش ہوگی۔
محکمہ خارجہ کے حکام کا کہنا ہے کہ یہ خصوصی پاسپورٹ رواں سال موسم گرما سے دستیاب ہوں گے اور ان کے لیے شہریوں سے کوئی اضافی فیس وصول نہیں کی جائے گی۔
ابتدائی طور پر یہ پاسپورٹ واشنگٹن کے پاسپورٹ دفتر سے حاصل کیے جا سکیں گے، جبکہ دیگر مقامات اور آن لائن درخواستوں کے لیے فی الحال موجودہ ڈیزائن ہی استعمال کیا جائے گا۔
