3
کراچی کے علاقے گلستانِ جوہر میں کارروائی کے دوران منشیات فروخت کرنے کے الزام میں گرفتار انمول پنکی کے اکاؤنٹس سنبھالنے والے ملزم کو گرفتار کر لیا گیا۔
زیرِ حراست ملزم سے بینک اکاؤنٹس اور آن لائن ادائیگیوں کی تفصیلات حاصل کر لی گئیں۔
تحقیقاتی حکام کے مطابق پنکی کے اکاؤنٹس سنبھالنے والے ذیشان نامی شخص کو پولیس نے حراست میں لے لیا ہے۔
منشیات خریدنے کے لیے کسٹمرز آن لائن ایپ سے ادائیگی کرتے تھے۔
ان رقوم کو موبائل فرنچائز اور موبائل بیلنس کی آڑ میں منتقل کیا جاتا تھا۔
رقوم کی ادائیگی اور وصولی کے لیے فیاض کمیونیکیشن کی فرنچائز استعمال کی جاتی تھی۔
زیرِ حراست شخص کے بینک اکاؤنٹس اور آن لائن ادائیگی کے لیے ایپس کی تفصیلات حاصل کر لی گئی ہیں اور مشترکہ ٹیم ملزم سے تفتیش جاری رکھے ہوئے ہے۔
