ثنا یوسف قتل کیس میں ملزم عمر حیات نے صحت جرم سے انکار کر دیا۔
ڈسٹرکٹ اینڈ سیشن کورٹس اسلام آباد میں ثنا یوسف قتل کیس کی سماعت میں ملزم نے کہا کہ اس نے ثناء کو قتل کرنے کا کوئی اعتراف یا کوئی انکشاف نہیں کیا۔
ملزم عمر حیات نے مزید کہا کہ میرا ثناء یوسف سے کوئی رابطہ نہیں تھا۔
اس پر جج نے استفسار کیا کہ دوران تفتیش ثناء یوسف کے فون سے کاکا کے نام سے ایک نمبر سامنے آیا تھا، موبائل فارنزک کے بعد نمبر آپ کا نکلا، اس پر کیا کہیں گے؟
اس پر ملزم عمر حیات نے کہا کہ وہ اپنے وکیل کے بغیر کوئی جواب نہیں دے سکتے ہیں۔
جج نے ملزم سے سوال کیا کہ آپ ثناء یوسف کو قتل کرنے کےلیے اُس کے گھر گئے، سینے پر 2 فائر کیے، موبائل لیا اور چلے گئے؟
ملزم عمر حیات نے جج افضل مجوکہ کے ہر سوال کا جواب دینے سے انکار کیا۔
کمرہ عدالت میں ویڈیو بنانے پر جج افضل مجوکہ اور وکیل صفائی میں تلخ کلامی ہوگئی، جج نے کہا کہ اگر ویڈیو وائرل ہوئی تو مس کنڈکٹ ہوگا۔
