متحدہ عرب امارات (یو اے ای) کی ایک عدالت ایک شہری کو سوشل میڈیا پر مراکش سے متعلق جھوٹی ویڈیو پوسٹ کرنے کے جرم میں تین سال قید اور 50 لاکھ درہم جرمانہ کی سزا سنادی۔
حکام کے مطابق اس ویڈیو میں کم عمر بچیوں کی شادی کو فروغ دینے اور جھوٹے دعوے پھیلانے کی کوشش کی گئی تھی۔
ابوظبی فیڈرل کورٹ آف اپیلز کی اسٹیٹ سیکیورٹی چیمبر نے سیف سالم سیف علی المقبلی کو قصوروار قرار دیا۔ عدالت نے ویڈیو کو ہٹانے، ملزم کے سوشل میڈیا اکاؤنٹس بند کرنے اور اس مقصد کے لیے استعمال ہونے والا موبائل فون ضبط کرنے کا حکم بھی دیا۔
پراسیکیوٹرز نے بتایا کہ تحقیقات کے بعد یہ مقدمہ فوری طور پر عدالت میں بھیجا گیا کیونکہ ملزم نے ایک ویڈیو میں دعویٰ کیا تھا کہ مراکش میں کم عمر بچیوں کی شادی کی اجازت ہے، جو غلط ہے۔
پراسیکیوٹرز کا کہنا ہے کہ تحقیقات کے مطابق ویڈیو میں استعمال ہونے والی زبان نفرت اور سماجی تقسیم کو فروغ دے سکتی تھی اور اماراتی و مراکشی کمیونٹیز کے تعلقات کو نقصان پہنچا سکتی تھی۔
