پشاور زلمی کے فاسٹ بولر علی رضا نے کراچی کنگز کے خلاف پی ایس ایل 11 کے 32ویں میچ میں ہیٹ ٹرک کرتے ہوئے قومی ریکارڈ بنادیا۔
علی رضا نے کراچی کنگز کے خلاف اننگز کے آخری اوور کی آخری تین گیندوں پر خوشدل شاہ، شاہد عزیز اور حسن علی کو آؤٹ کرکے ہیٹ ٹرک مکمل کی۔
اس کے ساتھ ہی علی رضا ٹی ٹوئنٹی کرکٹ میں ہیٹ کرنے والے کم عمر ترین بولر بھی بن گئے۔ انہوں نے 18 سال 35 دن کی عمر میں یہ کارنامہ انجام دیا ہے۔
ان سے قبل ہیٹ ٹرک کرنے والے کم عمر ترین پاکستانی بولر محمد حسنین تھے، جنہوں نے پاکستان کی جانب سے کھیلتے ہوئے 19 برس اور 123 دن کی عمر میں یہ کارنامہ انجام دیا تھا۔
اس فہرست میں تیسرے نمبر پر لاہور قلندرز کے کپتان شاہین آفریدی ہیں، انہوں نے 20 برس اور 167 دن کی عمر میں ہیمپشائر کی جانب سے کھیلتے ہوئے ہیٹ ٹرک کی تھی۔
Soledad is the Best Newspaper and Magazine WordPress Theme with tons of options and demos ready to import. This theme is perfect for blogs and excellent for online stores, news, magazine or review sites.
