میں پاکستان کا بہت احترام کرتا ہوں، ٹرمپ

امریکی صدر ڈونلڈ ٹرمپ نے کہا ہے کہ میں پاکستان کا بہت احترام کرتا ہوں، فیلڈ مارشل اور وزیراعظم بہت اچھے اور قابل احترام ہیں۔

امریکی میڈیا سے گفتگو میں ڈونلڈ ٹرمپ نے کہا کہ میں نے حالیہ صدارت میں 8 جنگیں روکیں، جن میں پاکستان اور بھارت کی جنگ بھی شامل ہے۔

انہوں نے کہا کہ پاکستان اور بھارت کی جنگ جوہری جنگ کی طرف جا رہی تھی، اس جنگ کے دوران 11 جہاز گرائے گئے۔

امریکی صدر نے مزید کہا کہ پاکستان کے وزیراعظم شہباز شریف نے کہا کہ میں نے لاکھوں لوگوں کی جانیں بچائیں۔