امریکی صدر ڈونلڈ ٹرمپ نے پاکستان، قطر، سعودیہ، امارات، مصر اور ترکیہ کی قیادت سے ٹیلیفونک رابطہ کرکے ایران مذاکرات پر گفتگو کی۔
غیرملکی میڈیا کے مطابق عالمی رہنماؤں نے ٹرمپ پر ایران کے ساتھ معاہدے کو حتمی شکل دینے پر زور دیا ہے۔
بعد ازاں میڈیا سے گفتگو میں امریکی صدر ڈونلڈ ٹرمپ نے کہا کہ ایران ڈیل کا اعلان جلد متوقع ہے۔ ایران معاملے پر کئی مسلم ممالک کے رہنماؤں سے بات چیت کی، مسلم ممالک کے رہنماؤں سے گفتگو مثبت رہی۔
انہوں نے کہا کہ فیلڈ مارشل عاصم منیر سے گفتگو کی، ۔سعودی ولی عہد محمد بن سلمان، اماراتی صدر محمد بن زاید سے گفتگو کی۔ امیرِ قطر شیخ تمیم اور قطری وزیراعظم محمد بن عبدالرحمن سے بھی بات کی۔
ڈونلڈ ٹرمپ نے کہا کہ ترک صدر رجب طیب اردوان اور مصری صدر عبدالفتاح السیسی سے بھی گفتگو کی۔ اسرائیلی وزیراعظم نیتن یاہو سے فون پر اچھی گفتگو ہوئی۔
ان کا کہنا تھا کہ ایران معاہدے پر مذاکرات مکمل ہونے کے قریب ہیں۔ ایران کے ساتھ معاہدے کے آخری پہلو زیر بحث ہیں۔ معاہدے کے بعد آبنائے ہرمز بھی کھول دی جائے گی۔
غیرملکی میڈیا کے مطابق امریکا، ایران براہ راست مذاکرات اسلام آباد میں بحال ہونے کا امکان ہے۔
