شاہراہ بھٹو منصوبے میں کسی شخص کو منتقل نہیں کرنا پڑا، مرتضیٰ وہاب

پاکستان پیپلز پارٹی کے چیئرمین بلاول بھٹو نے کراچی میں شاہراہ بھٹو کا افتتاح کردیا۔

اس موقع پر منعقدہ تقریب میں بلاول بھٹو کے ساتھ پارٹی رہنما، میئر کراچی مرتضیٰ وہاب اور دیگر شخصیات نے شرکت کی۔

افتتاحی تقریب سے خطاب کرتے ہوئے میئر کراچی مرتضیٰ وہاب نے کہا کہ لیاری ایکسپریس وے بنانے میں وفاق کو 15 سال لگے، لیاری ایکسپریس وے بننے کے دوران لوگوں کو تکلیف کا سامنا رہا۔

مرتضیٰ وہاب نے کہا کہ شاہراہ بھٹو کا بڑا حصہ 5 سال میں مکمل کیا گیا، اس منصوبے میں کسی شخص کو منتقل نہیں کرنا پڑا۔

انہوں نے مزید کہا کہ کوئی پاکستان کو بحران سے نکال سکتا ہے تو وہ بلال بھٹو زرداری ہیں۔