پاکستان کرکٹ بورڈ (پی سی بی) نے پی ایس ایل 11 کے اختتام پر ٹیم آف دی ایونٹ اور ایمرجنگ ٹیم آف دی ایونٹ کا اعلان کردیا ہے، پشاور زلمی کے کپتان بابر اعظم ٹیم آف دی ایونٹ کی بھی قیادت کریں گے۔
پی سی بی کی اعلان کردہ دونوں ٹیموں میں 12، 12 کھلاڑی شامل کیے گئے ہیں، ٹیم آف دی ایونٹ میں پشاور زلمی کے کپتان بابر اعظم کے ساتھ اسی ٹیم کے وکٹ کیپر کوشال مینڈس اور اسپنر سفیان مقیم بھی شامل ہیں۔
حیدرآباد کنگزمین کے عثمان خان، حسان خان اور حُنین شاہ کو ٹیم میں جگہ مل گئی، اس کے ساتھ لاہور قلندرز کے فخر زمان اور شاہین آفریدی، اسلام آباد یونائیٹڈ کے کپتان شاداب خان اور فاسٹ بولر رچرڈ گلیسن بھی ٹیم کا حصہ بنائے گئے ہیں۔
ملتان سلطانز کے شان مسعود کو بھی شامل کیا گیا ہے جبکہ کوئٹہ گلیڈی ایئٹرز کے حسن نواز کو بطور 12واں کھلاڑی رکھا گیا ہے۔
ایمرجنگ ٹیم آف دی ایونٹ میں لاہور قلندرز کے عبید شاہ، حیدرآباد کنگزمین کے معاذ صداقت اور حنین شاہ، پشاور زلمی کے علی رضا، فرحان یوسف، ملتان سلطانز کے مومن قمر اور محمد اسماعیل شامل ہیں۔
اس کے علاوہ اسلام آباد یونائیٹڈ کے سمیر منہاس، راولپنڈیز کے سعد مسعود، کوئٹہ گلیڈی ایٹرز کے شامل حسین اور کراچی کنگز کے سعد بیگ بھی ٹیم کا حصہ ہیں۔
لاہور قلندرز کے محمد فاروق 12ویں کھلاڑی کے طور پر ایمرجنگ ٹیم آف دی ٹورنامنٹ میں شامل ہیں۔
